Ekteskap og samboere

Vel den mest dekkjande påstanden: Personar som er under 18 år, kan gifte seg
- dersom verjene på begge sider samtykkjer og brurefolka har fylt 16 år
- dersom fylkesmannen samtykkjer, uansett alderen på brurefolka
- dersom fylkesmannen samtykkjer og begge brurefolka har fylt 16 år
- dersom fylkesmannen samtykkjer, uansett alderen på brurefolka
- dersom alle verjene og fylkesmannen samtykkjer og begge brurefolka har fylt 16 år.
Vel den mest korrekte påstanden: Personar som er under 18 år og ønskjer å etablere sambuarskap
- må ha samtykke frå verjene
- kan gjere det utan samtykke frå nokon
- må ha samtykke frå fylkesmannen
- må ha samtykke frå verjene og fylkesmannen.
Kva for ekteskap er i strid med ekteskapslova § 3?
- Den einslege mormora di og den einslege farfaren din
- Deg og fetteren din
- Onkelen din på farssida og fetteren din på morssida
- Farfaren din og tanta di på farssida
- Den fråskilde medmor di og sæddonoren til mor di
Anne var gift med Abdullah. Ein dag drog Abdullah til Syria for å kjempe heilag krig saman med IS mot regjeringshæren. Det har no gått ein månad sidan Abdullah reiste, og Anne har nettopp fått ein e-post frå IS om at Abdullah har teke del i krigshandlingar og truleg har mista livet. Anne har møtt Johannes og ønskjer å gifte seg med han. Kva må Anne gjere for å unngå bigami? Vel den mest korrekte løysinga.
- Anne treng ikkje gjere noko. Ho kan gifte seg på nytt sidan det ligg føre opplysningar som tyder på at han er død.
- Anne kan få avgjerd av tingretten om at Abdullah er å rekne som død. Ho kan deretter gifte seg straks.
- Anne kan få avgjerd av tingretten tidlegast eitt år etter at ho fekk e-posten om at Abdullah truleg var død. Ho kan deretter gifte seg straks.
- Anne kan få avgjerd av tingretten tidlegast fem år etter at ho fekk e-posten om at Abdullah truleg var død. Ho kan deretter gifte seg straks.
Ivana (18 år) er flyktning frå Somalia og har kome til Noreg. I Somalia blei ho som 16-åring gift med ein mann på 55 år. Ekteskapet var lovleg inngått etter somalisk rett, sjølv om Ivana var blitt pressa av mor si og far sin til å inngå ekteskapet. Ivana har no møtt nordmannen Reidar, som ønskjer å gifte seg med henne.
- Ivana og Reidar kan gifte seg straks fordi ekteskapet til Ivana i Somalia er ugyldig på grunn av tvang.
- Ivana og Reidar kan gifte seg straks fordi ekteskapet til Ivana i Somalia blir oppheva automatisk når ho giftar seg på nytt i Noreg.
- Ivana og Reidar kan gifte seg straks fordi ekteskapet til Ivana i Somalia er å rekne som støytande for norsk rettsorden.
- Den einaste moglegheita Ivana og Reidar har til å gifte seg lovleg i Noreg, er at Ivana krev separasjon og eitt år seinare skilsmisse frå ektemannen i Somalia

Ta kontakt med digital@fagbokforlaget.no for å få tilgang til denne ressursen Eller logg inn

Ekteskap og samboere

Ta kontakt med digital@fagbokforlaget.no for å få tilgang til denne ressursen

Eller logg inn